Karpetak edo fitxategiak analizatzeko, egin honako urrats hauek:
- 1. Titanium Antibirusa 2004ren leihoan, hautatu Analisi sakona.
- Orduan, zure ordenagailuko edozein elementu analizatu ahal izango duzu. Zehazkiago, karpeta edo fitxategi bat analizatzeko, Beste elementu batzuk analizatu... aukera hautatu behar duzu.
- Karpetak eta Fitxategiak analizatzeko ikonoak erakusten dituen laukia bistaratuko da:
Karpetak. Gainean klik egiten duzunean, karpeta guztiak biltzen dituen elkarrizketa-koadroa agertuko da. Egin klik bakoitzaren ondoan ageri den kontrol-laukian, analizatu beharreko karpeta gisa markatzeko. Hautatu dituzunean, sakatu Ados botoia.
Fitxategiak. Gainean klik egiten duzunean, elkarrizketa-koadroa agertuko da; horretan, hauta dezakezu analizatu nahi dituzun fitxategiak zein disko-unitate eta karpetatan dauden. Fitxategi horiek analizatzeko, hautatu besterik ez dituzu egin behar; horretarako, markatu bakoitzaren ezkerrean dagoen laukia. Hautatu dituzunean, sakatu Ados botoia, analizatzen hasteko.